Saga Pennans og Eymundsson

Frá fyrstu bókabúðinni á Íslandi

Þann 29. nóvember árið 1872 opnaði athafnamaðurinn Sigfús Eymundsson fyrstu bókaverslunina á Íslandi. Bókaverslunin naut frá upphafi mikils trausts og virðingar og setti mark sitt á bæjarlífið.

187219321996Í dag

1872

Fyrsta bókabúðin á Íslandi

Þann 29. nóvember 1872 opnaði Sigfús Eymundsson fyrstu bókaverslunina á Íslandi, á horni Austurstrætis og Lækjargötu. Sigfús hafði numið bókband í Kaupmannahöfn og opnaði fyrstu ljósmyndastofuna í Reykjavík árið 1867.

Hestar í Lækjargötu, fyrir utan Bókaverslun Sigfúsar Eymundssonar. Sigfús tók sjálfur myndina.

1886

Bókaútgáfa og nýjungar

Sigfús hóf bókaútgáfu árið 1886. Hann var fyrstur til að flytja inn peningaskápa, sjálfblekunga og ritvélar og fyrstur til að selja póstkort á Íslandi, með ljósmyndum sem hann tók sjálfur.

Bestu og fullkomnustu ritvélarnar auglýstar af Sigfúsi Eymundssyni.

1920

Austurstræti 18

Pétur Halldórsson tók við versluninni 1909 og árið 1920 færði hann hana í steinhúsið að Austurstræti 18, í hjarta borgarinnar, þar sem hún stendur enn í dag.

1932

Penninn stofnaður

Baldvin Pálsson Dungal stofnaði Pappírs- og ritfangaverslunina Pennann ásamt bróður sínum Halldóri, í Ingólfshvoli á horni Pósthússtrætis og Hafnarstrætis. Fáir spáðu fyrirtækinu langlífi í skugga heimskreppunnar.

Gömul auglýsing frá Pennanum, Ingólfshvoli.

1972

100 ár í jólabókaflóðinu

Bókaverslunin í Austurstræti var sannkallað menningarsetur í miðri borg. Árið 1960 var hún komin aftur á sinn gamla reit í nýju húsi að Austurstræti 18.

Gestir í Bókaverslun Sigfúsar Eymundssonar í jólabókaflóðinu 1972, á 100 ára afmæli verslunarinnar.

1996

Penninn og Eymundsson í eina sæng

Í apríl 1996 keypti Penninn, með Gunnar B. Dungal í fararbroddi, verslanir Eymundsson. Tveimur árum síðar varð til eitt ástsælasta bókakaffi landsins í Austurstræti 18.

2014

Eitt vörumerki

Á árunum 2014-16 voru allar verslanir fyrirtækisins sameinaðar undir vörumerki Pennans Eymundsson og verslanir endurbættar í Leifsstöð, Mjódd og Smáralind.

Í dag

Um land allt

Penninn rekur 16 verslanir um land allt undir nafninu Penninn Eymundsson, auk húsgagnaverslunar, fyrirtækjaþjónustu og heildverslunar. Nýjasta viðbótin í vöruúrvalinu eru gjafavörur og húsgögn frá danska fyrirtækinu HAY.

1872fyrsta bókabúðin á Íslandi

16verslanir Pennans Eymundsson

5.000+ m²í tveimur vöruhúsum

1998bókakaffið í Austurstræti 18 verður til

Starfsemin í dag

Meira en bókabúð

Penninn rekur 16 verslanir undir nafninu Penninn Eymundsson, húsgagnaverslun, fyrirtækjaþjónustu og heildverslun. Jafnframt rekur Penninn þrjár ferðamannaverslanir undir nafninu The Viking og eina undir nafninu Islandia.

Heildsala og dreifing

Vörur frá leiðandi framleiðendum

Penninn er heildsali ritfanga, pappírsvara, myndlistarvara, ferðavara og gjafavara fyrir margar af stærstu verslunum landsins, með vörur frá Esselte, Leitz, Winsor & Newton, Crayola, Staedtler, Pentel og fleirum.

Fyrirtækjaþjónusta →